اذا ناوي على الروحه وحاسب للغياب حساب .. ابي اسال قبل لا تروح قلبي وين خليته..
انا مدري من المخطي ولا اقدر ازيد عتاب .. عطيتك قلب ياقلبي ياليتك بس داريته..
نويت تروح يالغالي ولا ادري وش الاسباب .. ونور الشوق في عيني دخيلك ليه طفيته..
خلاص اشوف ما ودك تعاتبني عتاب احباب .. حرقت القلب في بعدك واشوفك حييل مليته..
ترى قلبي مثل ورد كساه الرمل وصار تراب .. ياليتك بس في يدينك هذاك الورد ضميته..
مدامك بايع العشره وناوي تقفل الابواب.. ابي اسال قبل لا تروح قلبي وين وديته؟؟!!!