[align=center]هيهات تملكني [/align]
[align=center]
هيهات تملكني وانا ملك غيرك = القلب واحد والهوى فيه محدود

خلك مكانك وانتظر وش مصيرك = اكذب عليك ان قلت لك عندي الزود

يومي بغيتك قلت ماصلح عشيرك = واليوم تطلبني تبي خافقي يعود

يازين خاف الله وباعد مـــــــسيرك = مدام باب الحب يازين مسدود

خلي ماخونه دام خانك ضميرك = خلي عطيته من صفا قلبي وعود

ماهمني لو كان هـــــــــذا يضيرك = مادمت احبه عندي سهود ومهود

دوّر وتلقى بالهــــــــوى من يثيرك = مع غبة الاحلام ياتيك موعود

دوّر على اللي لااستجرته يجيرك = لاضاقت الدنيا مع الناس موجود

دوّر على اللي لا استشرته يشيرك = ولايطلب من الحب يازين مردود

دوّر عليه وان لقـــيته نظـــــــــــيرك = خلك معه لاتتركه ثم(ن) تعود

هيهات تملكني ..انا ملك غــــــــــيرك = هيهات ثم هيهات والحب مفقود[/align]

[align=center]وسلامتكــــــــــــــــــــــم للشاعر عبدالله بن صبيح ![/align]